ದೆಹಲಿ ಮಿರರ್ ವರದಿ ಪ್ರಕಾರ, ಗಲ್ಫ್ ದೇಶಗಳಲ್ಲಿನ ಈಗಿನ ಟೆನ್ಷನ್ ಜಾಗತಿಕ ಮಾರುಕಟ್ಟೆಗೆ ದೊಡ್ಡ ಪೆಟ್ಟು ಕೊಡ್ತಿದೆ. ಅದರಲ್ಲೂ ವಿಶೇಷವಾಗಿ ಪ್ರಪಂಚದ ಶೇ. 20ರಷ್ಟು ಕಚ್ಚಾ ತೈಲ ಸಾಗಣೆಯಾಗುವ ಹಾರ್ಮುಜ್ ಜಲಸಂಧಿ ಮಾರ್ಗಕ್ಕೆ ಈಗ ದೊಡ್ಡ ರಿಸ್ಕ್ ಎದುರಾಗಿದೆ. ಈ ಮಾರ್ಗ ಕ್ಲೋಸ್ ಆದ್ರೆ ತೈಲ ಬೆಲೆ ಗಗನಕ್ಕೇರೋದು ಪಕ್ಕಾ. ಇದನ್ನ ಮೊದಲೇ ಊಹಿಸಿರೋ ಇಂಡಿಯನ್ ಆಯಿಲ್, ದೇಶೀಯವಾಗಿ ಗ್ಯಾಸ್ ಉತ್ಪಾದನೆ ಹೆಚ್ಚಿಸಲು ನಿರ್ಧರಿಸಿದ್ದು, ಈ ಬಗ್ಗೆ ಟ್ವೀಟ್ ಕೂಡ ಮಾಡಿದೆ.
ಯುದ್ಧದಿಂದಾಗಿ ಗ್ಯಾಸ್ ಸಪ್ಲೈ ಕಟ್ ಆದ್ರೆ ಮೊದಲು ಯಾರಿಗೆ ಆದ್ಯತೆ ಕೊಡಬೇಕು ಅನ್ನೋದರ ಬಗ್ಗೆ ಕಂಪನಿ ಪಕ್ಕಾ ಗೈಡ್ಲೈನ್ಸ್ ರಿಲೀಸ್ ಮಾಡಿದೆ. ಇದರಲ್ಲಿ ಗೃಹಬಳಕೆಯ ಗ್ರಾಹಕರಿಗೆ, ಅಂದ್ರೆ ನಮ್ಮ ಮನೆಗಳಿಗೆ ಫಸ್ಟ್ ಪ್ರಿಫರೆನ್ಸ್! ಸಾಮಾನ್ಯ ಜನರ ಮನೆಗೆ ಟೈಮ್ಗೆ ಸರಿಯಾಗಿ ಗ್ಯಾಸ್ ತಲುಪುವಂತೆ ಮಾಡಲು, ವಿತರಕರಿಗೆ ಕಟ್ಟುನಿಟ್ಟಿನ ಸೂಚನೆಗಳನ್ನು ಕೊಡಲಾಗಿದೆ. ಇದರಿಂದ ಯುದ್ಧದ ಎಫೆಕ್ಟ್ನಿಂದ ನಮ್ಮ ಅಡುಗೆ ಮನೆ ಸೇಫ್!
ಮನೆಗಳ ಜೊತೆಗೆ, ಸಮಾಜಕ್ಕೆ ಅತ್ಯಗತ್ಯವಾಗಿರುವ ಆಸ್ಪತ್ರೆಗಳು ಮತ್ತು ಶಿಕ್ಷಣ ಸಂಸ್ಥೆಗಳಿಗೂ ಗ್ಯಾಸ್ ಕೊರತೆಯಾಗದಂತೆ ವಿಶೇಷ ವ್ಯವಸ್ಥೆ ಮಾಡಲಾಗಿದೆ. ಆಸ್ಪತ್ರೆಗಳಲ್ಲಿ ರೋಗಿಗಳ ಸೇವೆಗೆ ಗ್ಯಾಸ್ ಸಿಕ್ಕಾಪಟ್ಟೆ ಇಂಪಾರ್ಟೆಂಟ್. ಹಾಗಾಗಿ ಇಂಥಾ ಎಮರ್ಜೆನ್ಸಿ ಜಾಗಗಳಲ್ಲಿ ಒಂದು ನಿಮಿಷ ಕೂಡ ಗ್ಯಾಸ್ ಸಪ್ಲೈ ನಿಲ್ಲಬಾರದು ಅನ್ನೋದು ಸರ್ಕಾರದ ದೊಡ್ಡ ಟಾರ್ಗೆಟ್ ಆಗಿದೆ.
ವಾಣಿಜ್ಯ ಉದ್ದೇಶಕ್ಕೆ ಗ್ಯಾಸ್ ಬಳಸುವವರಿಗಾಗಿ ಒಂದು ಉನ್ನತ ಮಟ್ಟದ ಸಮಿತಿ ರಚಿಸಲಾಗಿದೆ. ತೈಲ ಕಂಪನಿಗಳ ಎಕ್ಸಿಕ್ಯೂಟಿವ್ ಡೈರೆಕ್ಟರ್ಗಳು ಈ ಕಮಿಟಿಯಲ್ಲಿ ಇರ್ತಾರೆ. ಇತರೆ ವಲಯಗಳಿಂದ ಬರುವ ಗ್ಯಾಸ್ ಡಿಮ್ಯಾಂಡ್ಗಳನ್ನು ಇವರು ಸೂಕ್ಷ್ಮವಾಗಿ ಚೆಕ್ ಮಾಡ್ತಾರೆ. ಎಷ್ಟು ತುರ್ತು ಅವಶ್ಯಕತೆ ಇದೆ ಮತ್ತು ಗ್ಯಾಸ್ ಉತ್ಪಾದನೆ ಎಷ್ಟಿದೆ ಅನ್ನೋದನ್ನ ಲೆಕ್ಕ ಹಾಕಿ, ಆಮೇಲೆ ಕಮರ್ಷಿಯಲ್ ಬಳಕೆಗೆ ಪರ್ಮಿಷನ್ ಕೊಡ್ತಾರೆ.
ಎಮರ್ಜೆನ್ಸಿ ಸೇವೆಗಳ ಪಟ್ಟಿಯಲ್ಲಿ ಇಲ್ಲದ, ಆದರೆ ಗ್ಯಾಸ್ ಅವಶ್ಯಕತೆ ಇರುವ ಕಂಪನಿಗಳು ನೇರವಾಗಿ ಈ ಸಮಿತಿಗೆ ಅರ್ಜಿ ಹಾಕಲು ಅವಕಾಶ ನೀಡಲಾಗಿದೆ. ಇದಕ್ಕಾಗಿ ಅಧಿಕಾರಿಗಳು ಸ್ಪೆಷಲ್ ಇಮೇಲ್ ಐಡಿಗಳನ್ನು ಕೂಡ ಕೊಟ್ಟಿದ್ದಾರೆ. ಭಾರತ್ ಪೆಟ್ರೋಲಿಯಂ, ಹಿಂದೂಸ್ತಾನ್ ಪೆಟ್ರೋಲಿಯಂ ಮತ್ತು ಇಂಡಿಯನ್ ಆಯಿಲ್ ಅಧಿಕಾರಿಗಳಿಗೆ ನೇರವಾಗಿ ಇಮೇಲ್ ಮಾಡಬಹುದು. ಈ ಆನ್ಲೈನ್ ಸಿಸ್ಟಮ್ನಿಂದ ಮಧ್ಯವರ್ತಿಗಳ ಹಾವಳಿ ತಪ್ಪಿ ಪಾರದರ್ಶಕತೆ ಸಿಗುತ್ತೆ.
ನಮ್ಮ ದೇಶದ ಒಟ್ಟು ತೈಲ ಅಗತ್ಯದಲ್ಲಿ ಶೇ. 85ರಷ್ಟನ್ನು ನಾವು ಹೊರದೇಶಗಳಿಂದಲೇ ಆಮದು ಮಾಡ್ಕೊಳ್ತೀವಿ. ಅಂತರರಾಷ್ಟ್ರೀಯ ಮಟ್ಟದಲ್ಲಿ ರೇಟ್ ಜಾಸ್ತಿಯಾದ್ರೆ, ಇಲ್ಲಿ ಬೆಲೆ ಏರಿಕೆಯಾಗಿ ಸಾಮಾನ್ಯ ಜನರಿಗೆ ಹೊಡೆತ ಬೀಳುತ್ತೆ. ಇದನ್ನ ತಪ್ಪಿಸಲು, ದೇಶೀಯ ಉತ್ಪಾದನೆ ಹೆಚ್ಚಿಸಿ ಹೊರದೇಶದ ಮೇಲಿನ ಡಿಪೆಂಡೆನ್ಸಿ ಕಮ್ಮಿ ಮಾಡಿ, ಆರ್ಥಿಕತೆ ಬ್ಯಾಲೆನ್ಸ್ ಮಾಡಲು ಸರ್ಕಾರ ಭರ್ಜರಿಯಾಗಿ ಟ್ರೈ ಮಾಡ್ತಿದೆ.